Agar aap medical field me career banana chahte ho aur 12th science ke baad kaunsa course kare ye soch rahe ho, to B.Pharm ek popular option hai.
Is post me hum B.Pharm course se judi poori jankari simple Hindi me denge, taaki aap easily samajh sako.
B.Pharm Course Kya Hai
B.Pharm ka full form Bachelor of Pharmacy hota hai. Yeh ek undergraduate professional degree course hai jisme medicines, drugs, tablets, injections aur unki manufacturing se related padhai hoti hai.
Is course ke baad aap pharmacy aur pharmaceutical industry me job kar sakte ho ya apna medical store bhi open kar sakte ho.
B.Pharm Course Duration
B.Pharm course ka duration 4 saal hota hai.
- Total 8 semester hote hai
- Har saal 2 semester complete hote hai
- 12th ke baad direct admission milta hai
Agar kisi student ne pehle D.Pharm kiya hai, to kuch colleges me lateral entry ke through B.Pharm 3 saal me bhi complete ho jata hai.
B.Pharm Course Eligibility
B.Pharm me admission lene ke liye following eligibility hoti hai:
- 12th pass hona chahiye
- Science stream – Physics, Chemistry aur Biology ya Maths
- Minimum 45–50 percent marks (college ke according)
Admission merit ya entrance exam ke basis par hota hai.
B.Pharm Course Fees
B.Pharm course ki fees college ke type par depend karti hai.
Government College Fees
- Per year fees: 10,000 se 50,000 rupaye
- Total 4 saal ka kharcha: 1 lakh se 3 lakh rupaye
Private College Fees
- Per year fees: 80,000 se 2,50,000 rupaye
- Total 4 saal ka kharcha: 4 lakh se 10 lakh rupaye
Hostel, books aur exam fees alag se ho sakti hai.
B.Pharm Me Padhaye Jane Wale Subjects
- Pharmaceutics
- Pharmaceutical Chemistry
- Pharmacology
- Pharmacognosy
- Biochemistry
- Clinical Pharmacy
B.Pharm Ke Baad Career Options
B.Pharm complete karne ke baad aapke paas kai career options hote hai:
- Registered Pharmacist
- Medical Store Owner
- Pharma Company Job
- Hospital Pharmacy
- Quality Control Officer
- Drug Inspector (exam ke through)
B.Pharm Ke Baad Higher Studies
- M.Pharm
- MBA in Pharma Management
- PhD in Pharmacy
B.Pharm Course Ka Short Summary
- Course Name: Bachelor of Pharmacy
- Duration: 4 saal
- Eligibility: 12th Science
- Fees: College ke hisab se
- Career Scope: Medical aur Pharma sector
Conclusion
B.Pharm course un students ke liye best hai jo pharmacy aur medicine field me future banana chahte hai. Agar aap eligibility complete karte ho, to yeh course aapko achha career de sakta hai.
Agar aap B.Pharm admission process, entrance exam ya best colleges ki jankari chahte ho, to niche comment me pooch sakte ho.